У раённым цэнтры культуры на мінулым тыдні адбыўся конкурс мастацкага чытання“Каб помнілі, каб разумелі”. Ён праходзіў па некалькіх узроставых катэгорыях: 6 — 9 гадоў, 10 — 13, 14 — 17, 18 —21, 22 — 35, 36 — 50 і 50 і больш гадоў.
Конкурс выклікаў немалую цікавасць у юных і дарослых жыхароў нашага раёна, ад самых маленькіх да дастаткова сталых, сабраўшы ў сваіх шэрагах 56 удзельнікаў.
Гледачы мерапрыемства, якія сабраліся ў Белай зале РЦК, змаглі пачуць у выкананні артыстаў-аматараў вядомыя творы знакамітых Юліі Друнінай, Канстанціна Сіманава, Роберта Раждзественскага, Яраслава Смелякова, Эдзі Агняцвет і іншых выдатных паэтаў.
Пераможцы ў кожнай узроставай групе заўтра выступяць перад шырокім колам гледачоў у рамках святочных мерапрыемстваў, прысвечаных дню Перамогі.
Соф’я ЛЮБАНЕЦ.
Фото Святланы ПОЛЬСКАЙ.