Аб важных пытаннях

Поделитесь с друзьями
  •  
  •  
  •  
  •  
  •  
  •  

У райвыканкаме прайшло чарговае пасяджэнне пастаяннай  мандатнай камісіі па пытаннях  кіравання і самакіравання, законнасці і правапарадку.

На ім разглядаліся пытанні  аб стане рэлігійнай  абстаноўкі  на тэрыторыі раёна і ўмацаванні міжканфесійнай згоды і аб выкананні заканадаўства аб ахове працы і тэхніцы бяспекі ў сельскагаспадарчых арганізацыях раёна.

Па першым пытанні  выступіла галоўны спецыяліст  аддзела ідэалагічнай  работы райвыканкама Наталля Рыбакова. Яна паведаміла, што на тэрыторыі раёна існуе 28 зарэгістраваных рэлігійных  абшчын, з якіх 14 — праваслаўнай канфесіі, 4 — рымска-каталіцкай, 9 — хрысціян веры евангельскай, 1 — хрысціян адвентыстаў  сёмага дня.

У раёне дзейнічае  14 праваслаўных цэркваў, 4 касцёлы, 7 малітоўных дамоў хрысціян веры евангельскай. Богаслужэнні ў  нядзельныя дні рэгулярна наведваюць каля 2 тысяч права-слаўных, каля 400  католікаў і больш за  150 пратэстантаў.

Асноўнымі накірункамі  супрацоўніцтва  мясцовай улады  з рэлігійнымі арганізацыямі раёна з»яўляюцца  сумеснае  духоўна-маральнае выхаванне  падрастаючага пакалення і  насельніцтва раёна  ў  цэлым,  культурная і творчая дзейнасць, ахова і аднаўленне гістарычнай спадчыны  беларускага народа.

Наталля Леанідаўна асобна спынілася на рабоце  права-слаўнага духоўна-асветніцкага  Цэнтра «Існасць» і клуба духоўна-маральнага  выхавання падрастаючага пакалення «Ноеў каўчэг», якія дзейнічаюць пры цэнтральнай раённай  бібліятэцы, і на работах па будаўніцтве  новых  і рамонце ўжо існуючых храмаў. Яна таксама пералічыла  асноўныя мерапрыемствы рэлігійна-маральнага накірунку, якія  адбыліся ў раёне  ў 2011 годзе. Гэта сустрэча  з біскупам Тадэвушам Кандрусевічам на святочнай імшы ў касцёле святога Іосіфа  ў Гарадзеі, правя-дзенне  рэспубліканскай  культурна-асветніцкай праграмы выдавецтва Беларускага Экзархата «Сям»я — яднанне — Айчына», у рамках  якой адбыўся Хросны ход ад храма Узнясення гасподня да РЦКіА, дзе прайшло  ўрачыстае закрыццё выставы, сустрэча з архіепіскапам Чэлі, міністрам інфармацыі  Ватыкана, і іншыя  буйныя  цікавыя мерапрыемствы.

Заслухаўшы інфармацыю Наталлі Рыбаковай аб стане рэ-лігійнай абстаноўкі на тэрыторыі  Нясвіжскага раёна і ўмацаванні  міжканфесійнай згоды і прыняўшы пад увагу  дапаўненні і прапановы святароў і прадстаўнікоў мясцовай улады, пастаянная камісія  вырашыла працягваць  практыку правядзення  семінараў, лекцый, круглых сталоў, урокаў  духоўнасці з удзелам  святароў раёна па пытаннях духоўна-маральнага выхавання дзяцей і моладзі, прафілактыцы шкодных звычак, рэкамендаваць святарам пры арганізацыі работы з падрастаючым  пакаленнем удзяляць асаблівую ўвагу дзецям з праблемных сем»яў, старшыням сельскіх і пасялковага Саветаў дэпутатаў сумесна са святарамі  па меры неабходнасці прыцягваць насельніцтва  да навядзення  і падтрымання  належнага парадку на могілках і іншае.

Па другім пытанні слова меў старшыня раённага камітэта  прафсаюза работнікаў АПК Іван Кендыш, які расказаў аб стане аховы працы і вытворчага  траўматызму ў арганізацыях  раёна за 2010 год і задачах  па яго зніжэнні ў 2011-м.  Ён паведаміў, што, у адпаведнасці з Рэспубліканскай мэтавай праграмай па паляпшэнні ўмоваў і аховы працы на 2006-2011 гады,  зацверджанай пастановай  Савета Міністраў Рэспублікі Беларусь ад 16.08.2005 г. № 905, у раёне распрацаваны і зацверджаны мерапрыемствы па скарачэнні колькасці і паляпшэнні  рабочых месцаў са і (або) шкоднымі  небяспечнымі ўмовамі працы. Заданне па скарачэнні  колькасці і паляпшэнні  рабочых месцаў са шкоднымі  або небяспечнымі  ўмовамі працы выканана да канца 2010 года на 120 працэнтаў.

Таксама распрацавана сістэма кіравання аховай працы ў Нясвіжскім раёне, зацверджаная рашэннем  райвыканкама 1 лютага 2010 года № 140.

З 2006 па 2010 годы  274 кіраўнікі і спецыялісты  арганізацый раёна  прайшлі праверку ведаў  па ахове працы. Створана і дзейнічае  раённая камісія па ахове працы. У 2010-м годзе,  з мэтай забеспячэння бяспечных умоваў працы пры  падрыхтоўцы тэхнікі і правядзенні  пасяўных і ўборачных работ  і папярэджання няшчасных выпадкаў  на вытворчасці,  праве-дзены 2 семінары, у якіх прыняў удзел 161 спецыяліст з сельскагаспадарчых  арганізацый 6 раёнаў  Мінскай вобласці.

Іван Канстанцінавіч таксама адзначыў, што на рэалізацыю мерапрыемстваў па паляпшэнні ўмоў працы  ад  пачатку дзеяння праграмы  арганізацыямі раёна  зрасходавана 52,4 млрд. рублёў, у тым ліку у 2010-м годзе — 21,06 млрд. рублёў.

У выніку за 2010 год з улікам  прадпісанняў санслужбы  палепшыліся ўмовы працы ў 10  сельгасарганізацыях. Гэта СВК «Агракамбінат «Сноў» і «Гарадзея», ЗАТ «1 Мая», ААТ «Грыцке-вічы», «17 верасня», «Нясвіжскія Астроўкі», «Лань-Нясвіж», «Новае жыццё»,  «Нясвіжскі райаграсэрвіс», Нясвіжскі філіял  ААТ «Клецкая крыначка».

На гэтых прадпрыемствах  на дастаткова высокім узроўні  праведзена атэстацыя рабочых месцаў са шкоднымі і (або) небяспечнымі ўмовамі працы, укаранена сістэма кіравання  аховай працы,  нефармальна працуюць кабінеты па ахове  працы.

З 2007 года ў  арганізацыях аграпрамысловага  комплексу і будаўнічых  арганізацыях  праводзяцца месячнікі па ахове працы.

За перыяд з мая па снежань 2010 года  мабільнымі групамі  абследаваны ўсе  сельскагаспадарчыя  арганізацыі, выяўлена 46 парушэнняў патрабаванняў бяспекі. Ёсць эфект ад работы грамадскіх інспектараў па ахове працы, асабліва ў такіх сельгаспрадпрыемствах, як СВК «Агракамбінат «Сноў», ААТ «Лань-Нясвіж», «17 верасня», ДП «Свеклавічная». Эфектыўна  працавала і грамадская камісія  прафсаюзнай арганізацыі ААТ «Новае  жыццё», якую ўжо больш за 10 гадоў  узначальвае Вячаслаў Багдановіч.

Вынікам праведзенай работы стала зніжэнне  паказчыкаў  вытворчага траўматызму з 29 выпадкаў у 2005 годзе да 9 — у 2010-м. Зменшылася і колькасць  траўміраваных у стане  алкагольнага ап»янення.

З дапаўненнямі па тэме выступіла таксама галоўны спецыяліст  аддзела працоўных адносін  упраўлення па працы, занятасці і  сацыяльнай абароне  райвыканкама Іна Лукашова. Пасля гэтага  камісіяй  былі прынятыя рашэнні  аб правядзенні аналізу эфектыўнасці  функцыянавання  дзеючых у арганізацыях АПК сістэм кіравання аховай працы, аб забеспячэнні  эфектыўнага кантролю за тэхнічным станам трактароў, камбайнаў і іншых  сельгасмашын, механізмаў і абсталявання, аб удасканальванні  інфармацыйнага  забеспячэння  падначаленых арганізацый па пытаннях аховы працы і іншыя.


Поделитесь с друзьями
  •  
  •  
  •  
  •  
  •  
  •  

Добавить комментарий

Ваш e-mail не будет опубликован.

Этот сайт использует Akismet для борьбы со спамом. Узнайте как обрабатываются ваши данные комментариев.