Першыя тоны збожжа — дзяржаве

Поделитесь с друзьями
  •  
  •  
  •  
  •  
  •  
  •  

У мінулую суботу, у 13.30, паступіла першае збожжа на Гарадзейскае збожжапрыёмнае прадпрыемства. 85 тон харчовай пшаніцы прыбылі з ААТ “Новае жыццё” ў суправаджэнні дырэктара гаспадаркі Андрэя Ратомскага (на фота). Іх прывезлі вадзіцель  збожжапрыёмнага Мікалай Скачко і вадзіцелі ААТ “Нясвіжскі райаграсэрвіс” Сяргей Гаціцкі і Мікалай Дрожжа. Па дадзеных аналізаў, клейкавіна ў зерні склала 25 працэнтаў, што адпавядае 3-у класу, дастатакова добраму для нашых мясцін.

К 17 гадзінам таго ж дня прыбыло 25 тон піваваранага ячменю з другой гаспадаркі – СВК “Гарадзея”.

Усяго ж па стане на панядзелак, 29 ліпеня, на Гарадзейскае збожжапрыёмнае прадпрыемства паступіла 300 тон піваваранага ячменю і 400 – харчовай пшаніцы. За якасцю збожжа сочыць вытворча-тэхнічная лабараторыя на чале з начальнікам Віктарам Шарапам, якому дапамагае  лабарант Людміла Падчаша. Прыёмку будучага хлеба правялі майстры Вера Гецман і Таццяна Троська, а першую абкатку меха-нізмаў здзейснілі галоўны інжынер  Валяр”ян Хіневіч і майстар па рамонце электраабсталявання Андрэй Хіневіч.

Усяго ж, як патлумачыў дырэктар УП “Гарадзей-скае збожжапрыёмнае прадпрыемства” Пётр Агейка, тут запланавана прыняць 15150 тон харчовай пша-ніцы і 100 тон аўсу для УП “Барысаўскі камбінат хлебапрадуктаў”, 5000 тон піваваранага ячменю – для ААТ “Крыніца”, 250 тон харчовага ячменю – для ААТ “Мінскі камбінат хлебапрадуктаў” і 2000 тон трыцікале – для Хотаўскага спіртзавода.

На нарыхтоўцы і перавозцы збожжа будзе занята каля 16 машын ААТ “Нясвіжскі райаграсэрвіс”, аўтапарка № 8 і самога збожжапрыёмнага прад-прыемства.

Соф”я ЛЮБАНЕЦ


Поделитесь с друзьями
  •  
  •  
  •  
  •  
  •  
  •  

Добавить комментарий

Ваш e-mail не будет опубликован.

Этот сайт использует Akismet для борьбы со спамом. Узнайте как обрабатываются ваши данные комментариев.