Нясвіжскія навіны 
Інжынер па збыце аддзела маркетынгу Гарадзейскага цукровага камбіната Мікалай Скачко — прадстаўнік той катэгорыі работнікаў, якія абараняюць гонар свайго прадпрыемства не толькі на рабочым месцы, але і ў іншых сферах жыцця, а менавіта — у спартыўнай.
На камбінаце ён працуе ўжо восьмы год, і ў яго прамыя абавязкі ўваходзіць работа па арганізацыі знешнеэканамічнай дзейнасці — паставак патакі-меласы і сухіх грануляваных жамерын у краіны Еўрасаюза. Кіраўніцтва характарызуе Мікалая Аляксандравіча як вельмі адказнага і граматнага спецыяліста, а калегі па рабоце — як надзейнага таварыша і цікавага чалавека, што ўмее сваім прыкладам прапагандаваць здаровы лад жыцця: ён неаднаразова абараняў гонар свайго прадпрыемства на спаборніцтвах па гіравым спорце, якім захапляецца з маладосці, рэгулярна акунаецца ў палонку на свята Вадохрышча і не толькі, умее нават скакаць з парашутам. За што б Мікалай Аляксандравіч ні браўся, усё імкнецца асвоіць і выканаць дасканала, калі трэба — і прайсці перакваліфікацыю, каб выканаць сваю справу яшчэ лепш.
Адказнае стаўленне М.А. Скачко да сваіх абавязкаў і актыўны ўдзел у грамадскім жыцці не засталіся незаўважанымі: у 2014 г ён узнагароджваўся Граматай роднага прадпрыемства за актыўны ўдзел у спартыўным жыцці камбі-ната, асабісты ўклад у з’яднанне калектыву і прапаганду здаровага ладу жыцця, а ў лістападзе мінулага года, з нагоды прафе-сійнага свята работнікаў АПК і перапрацоўчай прамысловасці, Мікалаю Аляксандравічу была аб’яўлена Падзяка старшыні Нясвіж- скага райвыканкама.
Соф’я ЛЮБАНЕЦ.
Фота Наталлі ЕРМАШЭНКА.
