Штогод у пачатку сезона футбольны клуб “Гарадзея” запрашае заўзятараў клуба, усіх аматараў футбола на сустрэчу з трэнерскім штабам і адноўленай камандай. Гэты год не стаў выключэннем. Гарадзейская футбольная дружына Сяргея Яромкі, якая прыме ўдзел ў Беларусбанк — чэмпіянаце Рэспублікі Беларусь па футболе сезона 2017 года сярод каманд вышэйшай лігі, у аўторак, 21 сакавіка, прадставіць гледачам сваіх навабранцаў, дасць справаздачу аб падрыхтоўчым перыядзе да чэмпіянату, акрэсліць задачы на сезон-2017.
Таксама ў праграме — прэзентацыя новай формы юнацкіх каманд, якія ў сямі ўзроставых групах прадставяць “Гарадзею” ў абласных і рэспубліканскіх спаборніцтвах.
Перад пачаткам мерапрыемства можна будзе набыць атрыбутыку і абанементы на сезон 2017 года, разам з футбалістамі і беларускай мадэллю і вядучай Веранікай Карабко прыняць удзел у конкурсах і фотасесіі, атрымаць аўтографы.
Першая гарадзейская футбольная сустрэча ў гэтым годзе адбудзецца 21 сакавіка а 18 гадзіне ў Гарадзейскім цэнтры культуры (былы ДК цукровага камбіната). Уваход свабодны.
Вольга МАРЧАНКА.