Да канца пяцігодкі — такі тэрмін даў Прэзідэнт Аляксандр Лукашэнка на прывядзенне ў парадак мясцовых дарог.
Дарогі — у многім вітрына, нават твар краіны. Тым больш што Беларусь — транзітная дзяржава, а з нядаўняга часу яшчэ і важнае звяно праекта новага Шаўковага шляху. Нагадаем і той факт, што ў сілу нядаўна ўступіў пяцідзённы бязвізавы рэжым для грамадзян 80 краін. Роля дарог высокая, як ніколі. І калі наконт якасці рэспубліканскіх магістраляў пытанняў амаль не ўзнікае, то з невялікімі рэгіянальнымі ўсё не так проста. Развіццё мясцовых аўтамабільных дарог абмеркавана на нарадзе ў Палацы Незалежнасці. Кіраўнік дзяржавы паставіў задачу прывесці іх у прымальны стан да 2020 года.