Дбаем пра будучыню

Поделитесь с друзьями
  •  
  •  
  •  
  •  
  •  
  •  

Міністр інфармацыі Лілія Ананіч і член Савета Рэспублікі Мікалай Радаман

Міністр інфармацыі Лілія Ананіч і член Савета Рэспублікі Мікалай Радаман

Кніжную выстаўку, прысвечаную 500-годдзю беларускага кнігадрукавання, сёлета пакажуць у Кітаі, Расіі, Сербіі, Чэхіі і Польшчы. Днямі яе адкрылі ў Савеце Рэспублікі. На ёй можна ўбачыць не толькі кніжныя навінкі, але і тое, як іх рабілі паўтысячагоддзя таму. Парламентарыі змаглі ўласнаручна стварыць паперу і афорт старонкі з Бібліі.

— Калі на ўзроўні парламента краіны, на высокім дзяржаўным узроўні разглядаюцца пытанні нацыянальнай культурнай, гістарычнай, кніжнай спадчыны, мы з поў-най упэўненасцю можам сказаць, што Беларусь дбае пра сваю будучыню і мацуе гэту будучыню менавіта на прынцыпах высокай духоўнасці, — адзначыла міністр інфармацыі Лілія Ананіч.

Сёлета звыш двух мільёнаў рублёў дзяржава выдаткавала на падтрымку нацыянальнага кнігавыдання. Яны накіраваны на праекты ў мастацкай літаратуры і энцыклапедычным кнігавыданні. У гэты юбілейны год плануецца правесці звыш 70 мерапрыемстваў, прысвечаных круглай даце. У сакавіку Кіраўнік дзяржавы падпісаў указ аб стварэнні шматтомнага выдання «Рэспубліка Беларусь: дасягненні апошніх 25 гадоў». Яно ўбачыць свет у 2018 годзе. «Мы цяпер працуем над стварэннем праекта электроннай энцыклапедыі Рэспублікі Беларусь», — паведаміла Лілія Ананіч.

БелТА.

 


Поделитесь с друзьями
  •  
  •  
  •  
  •  
  •  
  •  

Добавить комментарий

Ваш e-mail не будет опубликован.

Этот сайт использует Akismet для борьбы со спамом. Узнайте как обрабатываются ваши данные комментариев.