Нясвіжскія навіны 
У час нямецкай акупацыі я жыў у Нясвіжы. У 1942 го-дзе быў вывезены ў Германію на прымусовыя работы. У 1944-м удалося ўцячы з катаргі на тэрыторыю Польшчы. Там ужо Чырвоная Армія з баямі рухалася на захад. Палявым ваенкаматам мяне прызвалі ў яе шэрагі. Ваяваў з ворагам у 568-м палку 149-й дывізіі 5-й арміі І Украінскага фронту. Быў лёгка паранены ў нагу. У Чырвонай Арміі праслужыў да сакавіка 1950 года.
Узнагароджаны ордэнам Айчыннай вайны 2-й ступені, медалямі “За адвагу”, “За перамогу над Германіяй у Вя-лікай Айчыннай вайне 1941 — 1945 гг.”.
Вайна — гэта вялікае зло, калі груба парушаюцца ўсе правы чалавека, зневажаецца годнасць, калі людзі гінуць. Таму трэба берагчы мір і спакой на Зямлі, цаніць кожны пражыты сённяшні дзень.
Рыгор Антонавіч КУЦЭРА,
удзельнік Вялікай Айчыннай вайны.
