Нясвіжскія навіны 
Трактарыст-машыніст Аляксандр Рудко працуе ў ААТ «Нясвіжскі райаграсэрвіс» 18 гадоў. У цяперашні час заняты на сяўбе азімай пшаніцы. На збожжавы азімы клін выязджае на трактары «Беларус — 3022 ДЦ1» з пасяўным агрэгатам «Лідааграпраммаш АПП6Д». У дзень ён засявае 25 — 35 га. Да сваіх абавязкаў Аляксандр Уладзіміравіч заўсёды ставіцца адказна, бездакорна выконвае даручанае. На яго рахунку — узнагароды ад Міністэрства сельскай гаспадаркі і харчавання Рэспублікі Беларусь, Нясвіжскага райвыканкама, раённага камітэта прафсаюза работнікаў АПК, ААТ «Нясвіжскі райаграсэрвіс». Добрасумленная праца механізатара селёта адзначана на высокім узроўні — ён занесены на раённую Дошку Гонару па выніках работы за 2016 год.
Наталля ЕРМАШЭНКА.
