Дакрануцца да вытокаў

Поделитесь с друзьями
  •  
  •  
  •  
  •  
  •  
  •  

DSC_1912

З мэтай стварэння аптымальных умоў знаходжання выхаванцаў ва ўстанове дашкольнай адукацыі і ўдасканалення якасці адукацыйнага працэсу ў дзяржаўнай установе адукацыі “Сноўскі яслі-сад” быў праведзены конкурс “Свет дзяцінства”, у якім прынялі ўдзел усе педагогі.

Для азнаямлення з рознымі відамі дэкаратыўна-прыкладнога мастацтва (ткацтва, ганчарства, вырабаў з дрэва, пляцення з саломы, лазы і інш.), выхавання павагі да працы і традыцый беларускага народа на тэрыторыі створаны гульнёвы ўчастак пад назвай “ Беларуская сядзіба”.

На пляцоўцы дзяцей сустракаюць дзед Іван і баба Ганна. Каля іх можна прысесці адпачыць на лаўках і паслухаць беларускія казкі, паданні, байкі, песні, пацешкі.

Створанае асяроддзе дазваляе дзецям пазнаёміцца з прадметамі, якімі нашы продкі карысталіся даўней (бойка, калаўрот-самапрадка, вілы, чыгуны).

У куфры знахо-дзяцца беларускае адзенне, посцілкі, ручнікі, абрусы. Дзеці з задавальненнем выкарыстоўваюць гэтыя рэчы ў сваіх гульнях з лялькамі, пераапранаюцца самі, накрываюць стол для сустрэчы і частавання гасцей. Тым самым пашыраюць веды пра асаблівасці беларускага народнага аддзення, культуры і побыту беларусаў.

З мэтай далучэння выхаванцаў да аднаго з відаў традыцыйнага нацыянальнага мастацтва — ручнога ткацтва — створаны куток ткацтва, дзе размешчаны рознага памеру ткацкія рамы-станкі. Відавочны пейзаж з вокнаў дапоўнены рознакаляровымі стужкамі, шнуркамі, выкарыстанне якіх дазваляе дзецям ствараць узоры незвычайнай прыгажосці, а таксама развіваць дробную маторыку рук, памяць, уяўленне.

Цэнтральнае месца  займае печ, якая з’яўлялася неад’емнай часткай хаты. Яна служыла крыніцай цяпла і святла.

DSC_0455

Стылізаванае адлюстраванне беларускага ручніка, часткова ўпрыгожанага беларускім народным арнаментам, у час заняткаў выяўленчай дзейнасцю дазваляе дзецям сама-стойна дамаляваць (упрыгожыць) ручнік і далей. Гэта дазваляе фарміраваць уменне дзяцей выкарыстоў-ваць выразныя сродкі беларускага дэкаратыўна-прыкладнога мастацтва (колер, узор), выхоўваць інтарэс да беларускага арнаменту, любоў да роднага краю, народных умельцаў, рамёстваў і традыцый.

З захапленнем дзеці выконваюць роспіс чыгуноў    гуашавымі фарбамі.

Выкананне адпаведных дзеянняў з падвешанай да столі люлькай, у якой можна калыхаць ляльку і спяваць ёй калыханкі, садзейнічае развіццю маўленчай і рухальнай актыўнасці ў час гульняў, фарміраванню ўяўленняў пра значнасць сну для здароўя, умення выконваць элементарныя працоўныя даручэнні, выхаванню добразычлівых адносін адзін да аднаго ў час сумеснай дзейнасці.

Прадметна-развіваючае асяроддзе на пляцоўцы спрыяе стварэнню вясёлага настрою, даверлівых адносін паміж дарослымі і дзецьмі, садзейнічае развіццю мастацкіх здольнасцей дашкольнікаў, іх творчасці, эстэтычнага густу. Пляцоўка з’яўляецца неад’емнай часткай пры правядзенні беларускіх народных святаў і гульняў, што дазваляе выхоўваць цікавасць да народных традыцый і спадчыны.

Жанна МАТРУХОВІЧ,

выхавацель дашкольнай адукацыі ДУА “Сноўскі яслі-сад”


Поделитесь с друзьями
  •  
  •  
  •  
  •  
  •  
  •  

Добавить комментарий

Ваш e-mail не будет опубликован.

Этот сайт использует Akismet для борьбы со спамом. Узнайте как обрабатываются ваши данные комментариев.