На паэтычнай хвалі

Поделитесь с друзьями
  •  
  •  
  •  
  •  
  •  
  •  

У кожнай свечкі свая душа,
Вера, любоў і чаканне,
Маленняў шчырых імжа,
Чыстыя сэрца жаданні.

У кожнай свечкі свой лёс,
Адпушчаны час на гарэнне,
Іскра, ў якой Хрыстос,
Падараваў збаўленне.

У кожнага свой душэўны нарыў,
Слёзы граху й забыцця,
Страх і натхнення парыў…
Можа, тут сутнасць жыцця?

***
Што чакае за гранню граняў:
Зацьменне ці прасвятленне,
Зразуменне сэнсу блуканняў,
Божае ласкі з,яўленне…

Што чакае за паднябессем:
Матчыны вочы, бацькавы словы,
Ці белая мгла над Палессем,
Ў верасні сонца захад ружовы…

Што чакае ў канцы дарогі:
Кубак вады ці келіх віна,
За блізкіх і родных трывогі,
Анёла крыло ля акна…

Што чакае за гранню граняў?..
Віктар ХМАРУК.


Поделитесь с друзьями
  •  
  •  
  •  
  •  
  •  
  •  

Добавить комментарий

Ваш e-mail не будет опубликован.