У салоне-галерэі “Скарбніца” адкрылася выстава мастачкі са Смалявіч Юліі Нявейка, выпускніцы Віцебскага дзяржаўнага ўніверсітэта імя П. Машэрава, магістра педагагічных навук у галіне выяўленчага мастацтва. Яна працуе пераважна ў тэхніцы жывапісу алейнымі фарбамі, таксама выкарыстоўвае ў рабоце пастэль, якая і прадстаўлена на выставе. Любімая тэма для карцін мастачкі — міфалагічныя сюжэты і фантазійныя вобразы. Яе пейзажы поўняцца яркімі фарбамі і сонечным святлом. Усё гэта вы зможаце ўбачыць самі, калі наведаеце выставу. Яна будзе працаваць у салоне-галерэі “Скарбніца” да канца жніўня.