Аб пытаннях падрыхтоўкі да II Еўрапейскіх гульняў

Поделитесь с друзьями
  •  
  •  
  •  
  •  
  •  
  •  

Прэзідэнт Беларусі Аляксандр Лукашэнка сустрэўся з прэзідэнтам Еўрапейскіх алімпійскіх камітэтаў Янезам Качыянчычам.

«Спадар Качыянчыч, мне прыемна чарговы раз сустрэцца з вамі, зверыць гадзіннікі па галоўных нашых напрамках дзеянняў. Галоўнае, вядома, гэта наша еўрапей-ская алімпіяда. Мы нямала зрабілі ў гэтым напрамку. Але я думаю, як заўсёды, ёсць нейкія недапрацоўкі. І я хацеў бы з першых вуснаў пачуць, што мы яшчэ павінны зрабіць да II Еўрапейскіх гульняў», — сказаў Кіраўнік дзяржавы. У сваю чаргу, Янез Качыянчыч падзякаваў за цёплы прыём. «На мой погляд, падрыхтоўка да Еўрапейскіх гульняў ідзе вельмі добра. У вас цудоўныя кадравыя рэсурсы, людзі вельмі старанна працуюць, і мы стараемся аказаць ім максімальную падтрымку. Я ўпэўнены ў тым, што мы зможам арганізаваць цудоўныя Еўрапейскіх гульні. У першую чаргу такую ўпэўненасць нам дае міжнародная абстаноўка», — адзначыў прэзідэнт ЕАК.

У размове з журналістамі па выніках сустрэчы Янез Качыянчыч адзначыў, што Прэзідэнт Беларусі, які таксама ўзначальвае Нацыянальны алімпійскіх камітэт, цудоўна разбіраецца ў пытаннях спорту. «На мой погляд, падрыхтоўка арганізавана выдатна. Сітуацыя ў цэлым вельмі добрая. І мы лічым, што Беларусь можа правесці цудоўныя гульні, — сказаў ён. — У бліжэйшыя дзесяць месяцаў нашаму арганізацыйнаму камітэту трэба будзе ўрэгуляваць невялікія тэхнічныя пытанні. Усе астатнія пытанні ўжо вырашаны». Янез Качыянчыч таксама падзякаваў кіраўніцтву Беларусі за ўвядзенне бязвізавага рэжыму, якім змогуць скарыстацца не толькі ўдзельнікі, але і шматлікія госці II Еўрапейскіх гульняў. «Спадзяюся, што вы зможаце скарыстацца гэтай цудоўнай магчымасцю, каб прадэманстраваць усяму свету сучасную квітнеючую Беларусь», — дадаў прэзідэнт ЕАК. II Еўрапейскія гульні пройдуць у Беларусі з 21 па 30 чэрвеня 2019 года. Гэта міжнародныя комплексныя спартыўныя спаборніцтвы, якія праводзяцца раз у чатыры гады пад кіраўніцтвам Еўрапейскіх алімпійскіх камітэтаў. Атлеты разыграюць 200 камплектаў медалёў у 15 відах спорту. Спаборніцтвы ў 10 відах стануць квалі-фікацыйнымі да XXXII Алімпійскіх гульняў 2020 года ў Токіа.

blr.belta.by.

 


Поделитесь с друзьями
  •  
  •  
  •  
  •  
  •  
  •  

Добавить комментарий

Ваш e-mail не будет опубликован.

Этот сайт использует Akismet для борьбы со спамом. Узнайте как обрабатываются ваши данные комментариев.