Міністр юстыцыі Рэспублікі Беларусь правёў прыём грамадзян у Нясвіжскім райвыканкаме

Поделитесь с друзьями
  •  
  •  
  •  
  •  
  •  
  •  

На мінулым тыдні ў Нясвіжскім райвыканкаме прыём грамадзян па асабістых пытаннях правёў міністр юстыцыі Рэспублікі Беларусь Алег Леанідавіч Сліжэўскі. На сустрэчу да кіраўніка прававога ведамства прыйшлі трое грамадзян горада і раёна.

Адпаведна былі разгледжаны тры пытанні рознага зместу: аб дзейнасці аднаго з рэспубліканскіх грамадскіх аб’яднанняў, з метадамі работы якога не згодзен заяўнік, аб няшчасным выпадку на адным з прадпрыемстваў раёна, камісія якога не прызнала здарэнне траўмай на працоўным месцы, аб пераразліку пенсіі па выслузе гадоў.

Уважліва выслухаўшы ўсе звароты, Алег Леанідавіч паабяцаў дасканала правесці праверку ў межах яго кампетэнцыі і праінфармаваць аб яе выніках заяўніка. Матэрыялы зваротаў па пытаннях, вырашэннем якіх не займаецца Міністэрства юстыцыі, будуць накіраваны ў патрэбныя органы ўлады.

Такім чынам, усе разгледжаныя пытанні ўзяты на асабісты кантроль міністра юстыцыі, адно з якіх (аб пераразліку пенсіі) ён пачаў вырашаць ужо на прыёме, запрасіўшы спецыялістаў адпаведнага структурнага падраздзялення райвыканкама.

На фота: падчас прыёму міністра юстыцыі Рэспублікі Беларусь А.Л. Сліжэўскага.

Вольга КАНДРУКЕВІЧ.


Поделитесь с друзьями
  •  
  •  
  •  
  •  
  •  
  •  

Добавить комментарий

Ваш e-mail не будет опубликован.

Этот сайт использует Akismet для борьбы со спамом. Узнайте как обрабатываются ваши данные комментариев.