Жыллёва-камунальная гаспадарка Мінска да ІІ Еўрапейскіх гульняў высадзіць у горадзе 1 мільён штук кветкавай расады, 1,5 тысячы дрэў і больш за 10 тысяч квітнеючых кустоў, паведамілі журналістам у аддзеле па добраўпарадкаванні, санітарным утрыманні жыллёвага фонду ДА «Мінская гарадская жыллёвая гаспадарка».
Ствараць зялёны дызайн сталіцы па сваіх праектах будуць жыллёвыя службы ўсіх раёнаў. Горад упрыгожаць хваёвыя і ліставыя расліны, вертыкальныя клумбы з рознакаляровай петуніі, разнастайныя вулічныя вазоны. У Цэнтральным раёне аформяць кампазіцыі з выкарыстаннем туі і хосты. На вуліцах Энгельса і Маркса, праспекце Незалежнасці высадзяць блакітныя елкі і спірэі. Каля пляцовак спаборніцтваў будуць прымяняць вертыкальнае азеляненне. На вуліцы Драздовіча з’явіцца жывая агароджа з кустоў ярка-жоўтай фарзіцыі.
Дар’я ЛАБАЖЭВІЧ,
«Звязда».