Меню
Курс $  3.26 | €  3.55 | ₽100  3.53 |
Погода 3 °C

Вітаем “Музы Нясвіжа”!

Нясвіжскія навіны 5 лет назад 0 0

Учора ў Нясвіжы стартавала ХХІV свята мастацтваў “Музы Нясвіжа”. Яно пачалося са спектакля Заслужанага аматарскага калектыву Рэспублікі Беларусь тэатра імя Уршулі Радзівіл Нясвіжскага раённага цэнтра культуры. Увазе гледачоў была прадстаўлена камедыя “Ён — мужык, а яна — паненка” па п’есе Ж.Б. Мальера “Жорж Дандэн, або Падмануты муж”. Рэжысёр — Яўген Валабоеў.



Сёння ў Нясвіжскай цэнтральнай раённай бібліятэцы імя Паўлюка Пранузы пройдзе творчая сустрэча і прэс-канферэнцыя “Год юбілею Станіслава Манюшкі” з удзелам народнага артыста Беларусі, прафесара М.Я. Фінберга, а таксама канцэрт струннага квартэта і ансамбля кларнетыстаў Заслужанага калектыву “Нацыянальны акадэмічны канцэртны аркестр Беларусі”.

Затым у РЦК адкрыецца мастацкая выстава “Краявіды Нясвіжа вачыма дзяцей” работ з фонду Міжнароднага конкурсу-пленэру юных мастакоў імя Міхаіла Сеўрука і адбудзецца ўрачыстае адкрыццё свята мастацтваў, якое азнамянуецца канцэртам акадэмічнай музыкі “Нясвіж — крыніца натхнення Станіслава Манюшкі i яго аднадумцаў”. Перад аматарамі класічнага мастацтва выступіць Заслужаны калектыў “Нацыянальны акадэмічны канцэртны аркестр Беларусі” і яго творчыя калектывы.  Заўтра канцэрты пройдуць у касцёле Божага Цела, замку Радзівілаў, раённым цэнтры культуры.

Аб асаблівасцях і сюрпрызах сёлетняга свята мастацтваў чытайце ў наступных нумарах “НН”.

Соф’я ЛЮБАНЕЦ

Фота Наталлі ЕРМАШЭНКА

Leave a Reply

Leave a Reply

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.

error: Копирование защищено!!!