Франтавы альбом. Подзвігі нашых землякоў

Поделитесь с друзьями
  •  
  •  
  •  
  •  
  •  
  •  

Расціслаў Канстанцінавіч Плакса нарадзіўся ў 1925 годзе ў в. Асмолава.  Прызваны на фронт восенню 44-га. Яфрэйтар. Быў наводчыкам станкавага кулямёта ў 440-м стралковым палку 64-й стралковай  Магілёўскай ордэнаў Суворава і Кутузава дывізіі 25 стралковага  корпуса 69-й арміі 1 Беларускага  фронту. Вызваляў ад акупантаў Польшчу.

Падчас Вісла-Одэрскай стратэгічнай  наступальнай  аперацыі Расціслаў Плакса, бясстрашны кулямётчык, знішчыў амаль узвод нямецкіх салдат і афіцэраў. Але і сам быў забіты 23 студзеня 1945 года. Гэта здарылася ў баі на рацэ Варта ў раёне вёсак Суха і Пятровіца. Яго пахавалі на захад ад в. Суха, раён Серадз, Серадзскае ваяводства, вуліца Арміі Людовай. 1 сакавіка 45-га года Р.К. Плакса пасмяротна ўзнагародзілі ордэнам Айчыннай вайны ІІ ступені.

Пазней ён быў перапахаваны на могілкі воінаў Савецкай Арміі ў горадзе Серадз, вуліца  войска Польскага, Лодзінскае ваяводства. У імянным спісе ёсць  прозвішча Р.К. Плакса — магіла № 29.

Ордэн за № 898259 з ордэн-скай кніжкай  Г № 495505 30 верасня 1953 года  ваенком Нясвіжскага раёна  ўручыў маці франтавіка — Ульяне Ільінічне Плакса.

 

Пахаваны ў Трэптаў-парку

Пётр Акімавіч Плакса нарадзіўся ў 1909 годзе ў в. Асмолава. На фронт прызвалі восенню 44-га. Ваяваў радавым чырвона-  армейцам, наводчыкам артылерыйскай гарматы у 122-й  гаўбічнай артылерыйскай брыгадзе 14-й артылерыйскай дывізіі прарыву  рэзерву Галоўнага камандавання 5-й ударнай арміі 1 Беларускага фронту. Іменна гэтай брыгадзе ў красавіку 1945 года была пастаўлена задача авалодаць цэнтрам Берліна. На ўчастку галоўнага ўдару нашых войск артылерыйская шчыльнасць складала каля 270 ствалоў калібрам ад 76 міліметраў і болей на кіламетр фронту прарыву. 21 красавіка часці 5-й ударнай  арміі ўварваліся на ўскраіну Берліна. Жорсткія баі завязаліся ў самім горадзе. З 21 красавіка па 2 мая па Берліну было выпушчана амаль 1 мільён 800 тысяч артылерыйскіх снарадаў.

Ужо ў самым цэнтры горада, ля ратушы, артылерыст П.А. Плакса быў цяжка паранены. Яго даставілі ў медсанбат 266-й  стралковай дывізіі. Праз дзень  пасля перамогі, 10 мая 1945 года, Пётр Акімавіч памёр. У 1947 г. ён быў перапахаваны ў Трэптаў-парк у Берліне.

 

 

Яму было толькі 20

Дваццацігадовы сяржант Міхаіл Плакса дайшоў амаль да Берліна. Ён быў забіты падчас жорсткіх баёў за 50 кіламетраў ад логава фашызму 23 красавіка 1945 года. Пахаваны ў ФРГ, зямля Брандэнбург, раён Бернау, населены  пункт Зеефельд, Берлінштрасэ, магіла 5, рад 1. Прозвішча сяржанта выбіта на мармуровай пліце абеліска.

…Міхаіл Дзянісавіч Плакса нарадзіўся ў 1925 годзе ў в. Асмолава.  Мабілізавалі на фронт 17 ліпеня 1944-га. Ваяваў у 1216-м  стралковым палку 364-й стралковай  Тосненскай Чырванасцяжнай дывізіі 7 стралковага корпуса 3-й  ударнай арміі 1 Беларускага фронту. Ваяваў храбра. За што і прызначылі  камандзірам аддзялення, прысвоілі  званне малодшага сяржанта. Узнагародзілі медалём “За адвагу”.

У красавіку 45-га  войскі 1 Беларускага і 1 Украінскага франтоў  праводзілі Берлінскую наступальную аперацыю, каб авалодаць сталіцай Германіі. Фашысты ў істэрыцы выкарыстоўвалі  ўсе магчымасці, каб утрымацца. Была сапраўдная “мясарубка”. Не выйшаў з яе жывым і М.Д. Плакса.

 

Падрыхтавала  Тамара ПРАЛЬ-ГУЛЬ.

 


Поделитесь с друзьями
  •  
  •  
  •  
  •  
  •  
  •  

Добавить комментарий

Ваш e-mail не будет опубликован.

Этот сайт использует Akismet для борьбы со спамом. Узнайте как обрабатываются ваши данные комментариев.