На палях раёна. У гаспадарках Нясвіжчыны ўбрана 1180 гектараў збожжавых і зернебабовых культур

Поделитесь с друзьями
  •  
  • 12
  •  
  •  
  •  
  •  

Згодна з інфармацыяй райсельгасхарчу, па стане на 17 ліпеня ў гаспадарках Нясвіжчыны было ўбрана 1180 гектараў збожжавых і зернебабовых культур. Гэта складае 5,3 % ад неабходнага. Дзённы прырост дасягнуў 440 гектараў (2 %). Найбольшыя плошчы ўбраны ў ЗАТ “1 Мая” — 256 га, ААТ “Нясвіжскі райаграсэрвіс” — 178 га, ААТ “Грыцкевічы” — 159 га. У працэнтных адносінах найбольшы паказчык у “Грыцкевічах” — 17 %, у “1 Мая” — 13 %.

Сярэдняя ўраджайнасць збожжавых і зернебабовых па раёне — 59,9 ц/га. У СВК “Агракамбінат Сноў” яна складае 80,1 ц/га, у ААТ “Новае жыццё” — 78,2 , у ААТ “Грыцкевічы” — 73,2 ц/га. Вышэй за раённую яна таксама ў першамайцаў і ў ААТ “Нясвіжскія Астроўкі”.

Валавы намалот збожжа дасягнуў больш за 7 тысяч тон. У т. л. за апошні дзень — звыш 2,5 тысячы тон. Дзённая прыбаўка 300 і больш тон — у “Снове”, “Новым жыцці”, “Нясвіжскім райаграсэрвісе” і “Юшавічах”.

У раёне працягваецца ўборка азімага рапсу. Ён абмалочаны на плошчы амаль 1445 га (57 % ад неабходнага). Завяршылі работу ААТ “17 Верасня”, “Нясвіжскі райаграсэрвіс”, “Лань-Нясвіж”, “Сейлавічы”, ЗАТ       “1 Мая”. Сярэдняя ўраджайнасць алейнага насення — 38,6 ц/га. Высокая яна ў “Райаграсэрвісе” (52,2 ц/га), “Снове” (49,9), “Сейлавічах” (44,6 ц/га). Больш за 40 ц/га збіраюць яго таксама ў “Новым жыцці”, “Нясвіжскіх       Астроўках”, “ЭБ “Свеклавічная” і “Нясвіж-скай сортавыпрабавальнай станцыі”.

Тамара  ПРАЛЬ-ГУЛЬ.

 


Поделитесь с друзьями
  •  
  • 12
  •  
  •  
  •  
  •  

Добавить комментарий

Ваш e-mail не будет опубликован.

Этот сайт использует Akismet для борьбы со спамом. Узнайте как обрабатываются ваши данные комментариев.