Нясвіжскія навіны 
У межах традыцыйнай Мінскай міжнароднай кніжнай выстаўкі-кірмашу, якая сёлета пройдзе з 8 па 12 лютага, адбудзецца і міжнародны сімпозіум літаратараў «Пісьменнік і час».
Асноўнай прасторай дыялогаў і разваг яго замежных і беларускіх удзель-нікаў гэтым разам стане наступная тэма — «500-годдзе беларускага кнігадрукавання як частка сусветнай кніжнай гісторыі». Літаратары з Расіі, Украіны, Літвы, Польшчы, Малдовы, Латвіі, Таджыкістана, Казахстана, Азербайджана, іншых краін свету абмяркуюць здзяйсненні Францыска Скарыны ў кантэксце беларускай і сусветнай культуры. Звернуцца да разгляду літаратурных узаемасувязей як важкага фактару міжнародных агульнакультурных узаемаадносін. Асобная дыскусійная пляцоўка будзе прысвечана функцыям мастацкай літаратуры ў рэаліях сучаснага свету.
Заснавальнікамі сімпозіума «Пісьменнік і час» з’яўляюцца Міністэрства інфармацыі краіны, Саюз пісьменнікаў Беларусі, Выдавецкі дом «Звязда» і выдавецтва «Мастацкая літаратура».
БелТА.
