24 студзеня, у 18 гадзін, у РЦК адбудзецца канцэрт жывой легенды беларусаў — Беларускага дзяржаўнага заслужанага харэаграфічнага ансамбля “Харошкі”. Калектыў быў створаны ў 1974 годзе пры Беларускай дзяржаўнай філармоніі харэографамі Валянцінай Гаявой і Мікалаем Дудчанкам.
Творчы почырк “Харошак” — маштабныя, яскравыя, жыццясцвярджальныя палотны, розныя па характары і тэмпераменце, якія ствараюцца мовай танца.
Калектыў ансамбля аб’ядноўвае танцавальную і вакальна-інструментальную групы. У арсенале аркестра — класічныя і сучасныя музычныя інструменты.
У 2014 годзе ансамблю “Харошкі” споўнілася 40 гадоў. Усе гэтыя гады творчая дзейнасць калектыву садзейнічае захаванню шматвекавых нацыянальных традыцый, прапагандуе і папулярызуе беларускае нацыянальнае мастацтва ў Беларусі і за яе межамі. Творчае крэда ансамбля — спалучэнне духоўнай сілы бацькоўскіх традыцый і невычарпальная энергія славянскага фальклору.
Не прапусціце магчымасць убачыць “Харошкі” у Нясвіжы!
“НН”.