21 лютага ў Міжнародны дзень роднай мовы Нясвіжская цэнтральная раённая бібліятэка імя Паўлюка Пранузы запрашае жыхароў раёна прыняць удзел у мерапрыемствах.
У праграме:
11.00 «Мая непаўторная родная мова»: эрудыт-марафон з вучнямі школ горада;
14.00 «Якуб Колас. Чалавек. Эпоха. Час»: экскурс па выставе Дзяржаўнага літаратурна-мемарыяльнага музея Якуба Коласа (філіял г.Стоўбцы);
15.00 — 15.45 «Пішам дыктант разам»: агульнагарадская беларускамоўная дыктоўка для ўсіх жадаючых;
16.00 «Жыві, наша мова!»: паэтычны дыліжанс з удзелам літаратурна-музычнага аб’яднання «Валошкі».
На працягу дня наведвальнікам бібліятэкі будуць прапанаваны акцыі:
— «Вывучаем беларускую мову»: выстава-крыжаванка;
— «Гавары са мной па-беларуску»: дзень беларускамоўных зносін;
— «Для мяне беларуская мова — гэта…»;
— «Кніжны джэм»: банк рэкамендацый твораў беларускіх аўтараў.
У фае бібліятэкі на экране будуць дэманстравацца відэаролікі пра родную мову і беларускіх пісьменнікаў — юбіляраў 2017 г.
«НН».