Чараду
справаздачных канцэртаў,
якія яшчэ перад Новым годам
пачаліся
ва ўстановах культуры нашага раёна, завяршыў канцэрт
Аношкаўскага СДК.
Увазе вяскоўцаў і гасцей мясцовыя артысты прапанавалі канцэртныя нумары ў выкананні сваіх лепшых прадстаўнікоў — народнага ансамбля “Лянок” (кіраўнік Аляксандр Гапановіч), дзіцячага танцавальнага калетыву “Сонейка” (кіраўнік Ірына Саленік), духавога аркестра (кіраўнік Леанід Чарноў), дуэта ў складзе Сяргея Калеснікава і Кірыла Кунцэвіча, а таксама іншых аматараў мастацкай творчасці.
Канцэрт завяршыўся сімвалічнай песняй “Живите, любите и радуйтесь солнцу”, а таксама пажаданнямі моцнага здароўя, поспеху ў справах і спаўнення мар і надзей, адрасаванымі гледачам, на якія тыя адказалі шчырымі апладысментамі.
На фота: танец “Стылягі” падарыў гледачам танцавальны калектыў “Сонейка”;
на сцэне — квартэт у складзе Алёны Андросік, Ангеліны Максімавай, Таццяны Быстраковай і Ганны Бондар.
Соф,я ЛЮБАНЕЦ.
фота Наталлі ЕРМАШЭНКА.