Пяшчотная матуля Цімафея

342

Аператар ПЭВМ Нясвіжскага філіяла (райплемстанцыі) РУСП “Мінскае племпрадпрыемства” Алена Уладзіміраўна Аксак за добрасумленную працу атрымала Падзячнае пісьмо старшыні Нясвіжскага райвыканкама. Аператарам працуе чатыры гады, работа вельмі адказная, і Алена Уладзіміраўна робіць яе якасна і дакладна. Пра такіх, як яна, гавораць: чалавек на сваім месцы.

Добрасумленная працаўніца ў калектыве, дома — любячая і пяшчотная матуля для сыночка-першакласніка Цімафея, які разам з татам на свята 8 Сакавіка з самага рання рыхтуе для мамы маленькія сюрпрызы — паштоўкі, кветкі, падарункі. А потым яны едуць віншаваць бабуль. Сям’я нядаўна пераехала ў свой дом, і ў Алены Уладзіміраўны шмат планаў: дзе размясціць агарод,  кветнік і іншае. Ёй хочацца, каб хутчэй прыгрэла веснавое сонейка і стала  цёпла.

А яшчэ — каб усе былі здаровымі і радаснымі.

Вольга КАНДРУКЕВІЧ.

Фота Наталлі ЕРМАШЭНКА.

 

Добавить комментарий

Ваш e-mail не будет опубликован.

Этот сайт использует Akismet для борьбы со спамом. Узнайте как обрабатываются ваши данные комментариев.