Прыгожа і сучасна выглядае тэрыторыя Нясвіжскага гісторыка-краязнаўчага музея. Да таго ж, тут заўсёды чыста. Нездарма калектыў стаў пераможцам раённага агляду-конкурсу па добраўпарадкаванні населеных пунктаў Нясвіжчыны сярод устаноў сацыяльнай сферы і атрымаў сёлета Дыплом І ступені.
Супрацоўнікі музея актыўна ўключыліся ў абласны месячнік па навядзенні парадку на зямлі, які хутка завершыцца, працавалі падчас раённага і рэспубліканскага суботнікаў. Вычысцілі газон і ўнутраны дворык музея. Сфарміравалі кроны туй, падстрыглі ядловец. Прыбралі альпійскую горку — на ёй на фоне зялёных кустоў вось-вось прыгожа зацвітуць цюльпаны і нарцысы.
Тамара ПРАЛЬ-ГУЛЬ.