У салоне-галерэі “Скарбніца” адкрылася выстава вядомага на Нясвіжчыне мастака, скульптара і паэта Алега Пракарыны “Ціхае жыццё”. Ён працуе ў розных тэхніках і жанрах — графіцы, жывапісе, скульптуры, інсталяцыі, перформансе. Яго работы захоўваюцца ў асабістых мастацкіх калекцыях Беларусі, Расіі, Польшчы, Германіі, Грэцыі, Францыі, Ізраіля, Сірыі, Японіі, США, пастаянна выстаўляюцца ў час Славян-скага Базару ў г. Віцебску. Гэтымі днямі ў “Скарбніцы” прадстаўлены жывапісныя жаночыя партрэты. Доўжыцца выстава “Ціхае жыццё” будзе да канца мая.