На мінулым тыдні адбылася 32-я выязная сесія Нясвіжскага раённага Савета дэпутатаў. Пленарнае пася-джэнне сессіі пачалося з прыемнага моманту — віншавання з юбілеем былых работнікаў Навасёлкаўскага і Гарадзейскага сельскіх саветаў Святланы Канстанцінаўны Урбан і Галіны Уладзіміраўны Казушчык. Абедзве яны адпрацавалі сакратарамі і кіруючымі справамі сваіх тэрытарыяльных адзінак без малога па 30 гадоў, а Святлана Канстанцінаўна выбіралася і старшынёй сельвыканкама з 1995 па 2002 год.
Святлана Канстанцінаўна (цяпер — стараста вёсак Новыя і Старыя Навасёлкі) — атрымала Ганаровую грамату райвыканкама за павышэнне ролі і значэння органаў мясцовага самакіравання ў вырашэнні пытанняў жыццязабеспячэння насельніцтва, актыўны ўдзел у грамадскім жыцці Сейлавіцкага сельсавета і ў сувязі з юбілеем, а Галіна Уладзіміраўна — за шматгадовую добрасумленную працу ў органах мясцовага самакіравання, актыўны ўдзел у грамадскім жыцці Гарадзейскага сельсавета і таксама ў сувязі з юбілеем.
“НН”.