Штогод 22 верасня ў рэспубліцы Беларусь, як і ў большасці развітых краін свету, праводзіцца міжнародная акцыя — «Дзень без аўтамабіля». Па статыстыцы, у свеце кожную хвіліну з канвеера сыходзіць адна новая машына, кожны дзень аўтамабілі забіраюць жыцці звыш трох тысяч чалавек.
У Нясвіжы ў рамках гэтага дня пройдзе велапрабег, арганізаваны раённай інспекцыяй прыродных рэсурсаў і аховы навакольнага асяроддзя, РК ГА «БРСМ» і гарадскім маладзёжным цэнтрам сумесна. Велапрабег стартуе ў пятніцу, 22 верасня, у 17.30 ад гарадскога маладзёжнага цэнтра і пройдзе па вуліцы Шымко і гарадскім парку. У рамках «Дня без аўтамабіля» адбудзецца ўзнагароджванне актыўнай моладзі і дыскатэка «Моладзь за здаровы лад жыцця!»
Запрашаюцца ўсе жадаючыя.
«НН».