Нясвіжскія навіны Чаго чакаць у Новы Год?
Здзяйснення мар сваіх адчайных!
Мы жадаем вам прыгод,
прыгод святочных, незвычайных!
Хай навагоднія агні
вам радасці дашлюць нямала!
Каб шчасцем поўніліся дні
і каб здароўя ўсім хапала!
Благое — зычым — хай міне!
А каб сышла ад сэрца горыч —
сябры хай верныя усе
за стол пасядуць з вамі побач!
Няхай бакалаў тонкі звон
разносіць гул вясёлым рэхам,
ды Дзед Мароз у кожны дом
да вас наведаецца з мехам.
Няхай жа будзе — белы снег,
і нават больш таго — завея!
Няхай гучыць дзіцячы смех
і дорыць нам усім надзею!
Андрэй Козел.
