Меню
Курс $  3.27 | €  3.53 | ₽100  3.52 |
Погода 12 °C

А ў нас — “лявонавіцкія” шашкі

Нясвіжскія навіны 6 лет назад 0 0

Дружны калектыў ДУА “Лявонавіцкі дзіцячы сад” прыняў актыўны ўдзел у суботніку па добраўпарадкаванні і азеляненні тэрыторыі гэтай установы дашкольнай адукацыі.

Актыўна папрацаваўшы, мы заўважылі, што фарба белага колеру яшчэ не зрасходавана. І вось узнікла ідэя даць магчымасць нашым выхаванцам гуляць у шашкі на свежым паветры. Дружна ўзяўшыся за работу, мы зрабілі цудоўную шашачную дошку на асфальце.



Выхаванцам вельмі падабаецца гэта гульня. А зараз, калі праходзіць летняе аздараўленне і дзеці шмат часу праводзяць на свежым паветры, можна ў любую вольную хвілінку заняцца любімым відам спорту. Любыя цацкі, канструктар мы спрабавалі выкарыс-тоўваць для нашай “шашальніцы” замест шашак, галоўнае, каб для кожнага     гуляючага яны былі свайго колеру або мелі адрозненне ад шашак гуляючага насупраць.

Давайце ўзгадаем: існуюць розныя тыпы шашак. Рускія, англійскія, бразільскія, італьянскія, чэшскія, міжнародныя, іспанскія і іншыя, якія  адрозніваюцца колькасцю шашак і памерамі дошкі (8х8, 10х10, 12х12, 8х10 і інш.). А ў нас будуць свае, “лявонавіцкія”, шашкі. Мы нават для законных прадстаўнікоў нашых выхаванцаў аб’явілі конкурс “Самыя зручныя і цікавыя шашкі сваімі рукамі”. Спадзяёмся,  што праз некаторы час пачуем імёны нашых дзяцей як лепшых прызёраў шашачных гульняў, і будзем ганарыцца імі.

Таццяна ЮНКЕВІЧ,

загадчык ДУА “Лявонавіцкі дзіцячы сад”.

 

Leave a Reply

Leave a Reply

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.

error: Копирование защищено!!!