Філіял “Аўтамабільны парк № 8”
ААТ “Мінаблаўтатранс” папоўніў сваю тэхнічную базу: сюды дабавіўся яшчэ адзін аўтобус — МАЗ-103.
Ён будзе абслугоўваць лініі з найбольшым
пасажырапатокам: напрамак Нясвіж —
Гарадзея і непасрэдна Нясвіж як гарадскі аўтобус.
Як паведаміў дырэктар аўтобуснага парка Ігар Цвірко, гэта ўжо шосты новы аўтобус у бягучым годзе. Набыты ён за сродкі абласнога бюджэту з мэтай аказання найбольш камфортных паслуг насельніцтву. А працаваць на ім будуць вадзіцелі Уладзімір Лукашэвіч, ва-дзіцельскі стаж якога 37 гадоў, і яго напарнік Ігар Падаляка. Ён у аўтапарку нядаўна, але зарэкамендаваў сябе з лепшага боку. Абодва вадзіцелі вопытныя, тэхнічна граматныя, добрасумленныя і адказныя, ветлівыя з пасажырамі.
Новы аўтобус ужо апрабоўвае свае маршруты.
На фота: дырэктар філіяла “Аўтамабільны парк № 8” ААТ “Мінаблаўтатранс” Ігар Цвірко ўручае ключы ад новага МАЗа ва-дзіцелям Ігару Падаляку і Уладзіміру Лукашэвічу.
Вольга КАНДРУКЕВІЧ.