Хлебаробы нашага раёна фактычна
падышлі да фінішу жніва-2018.
Па стане на раніцу 7 жніўня ўбрана 22140,9 гектара збожжавых культур — 98,5 % ад неабходнага.
Засталіся лічаныя гаспадаркі,
дзе камбайны яшчэ снуюць на палетках.
Многія прыступілі да абмалоту збажыны
на прысядзібных участках.
У панядзелак збожжаўборачная тэхніка сельгаспрадпрыемстваў Нясвіжчыны накіравалася на дапамогу хлебаробам Валожынскага раёна. Месца збору жніўнай раніцай па традыцыі — на мяжы Нясвіжскага і Стаўбцоў-скага раёнаў. Правесці працаўнікоў нівы і пажадаць добрага шляху прыехалі сюды старшыня райвыканкама Генадзь Салавей і яго першы намеснік, начальнік райсельгасхарчу Віктар Худніцкі. Пасля добрых слоў і наказаў калона, у суправаджэнні машын ДАІ і РАНС, рушыла ў дарогу.
На дапамогу СВК “Пяршаі-2003” пайшлі чатыры камбайны і дзве аўтамашыны. Усе — з СВК “Агракамбінат Сноў”. Узначальвае групу вопытны камбайнер Іван Касцюкевіч, разам з ім працуюць Анатоль Абрамовіч, Ігар Праневіч і Дзмітрый Дуняк.
Другая група, з 6-і камбайнаў і 3-х аўтамашын, накіравалася на вытворчы ўчастак ТАА “Тарасава”. Там працуюць Валерый Каспяровіч з ААТ “17 Верасня”, Сяргей Саленік з ААТ “Новае жыццё”, Юрый Наполеў з ААТ “Грыцкевічы”, Вячаслаў Галавацкі з ААТ “Гарадзея”, а таксама камбайнеры з ААТ “Юшавічы” і ЗАТ “Агракамбінат Нясвіжскі”, вадзіцелі з ААТ “Новае жыццё”, “Нясвіжскія Астроўкі” і “Нясвіжскі райаграсэрвіс”.
“НН”.