13 кастрычніка — раённы суботнік. Ён пройдзе ў рамках аб’яўленага на Нясвіжчыне месячніка па навядзенні парадку на зямлі, добраўпарадкаванні і азеляненні тэрыторый. Згодна з распараджэннем старшыні райвыканкама Г.М. Салаўя, месячнік праходзіць з 1 па 31 кастрычніка. Мэта месячніка — актывізаваць работы па навядзенні і падтрыманні належнага парадку на зямлі.
А 13 кастрычніка жыхары Нясвіжчыны выйдуць на суботнік, каб падрыхтаваць да зімы ўсе замацаваныя тэрыторыі, тэрыторыі агульнага карыстання ў населеных пунктах, могілак, садовых таварыстваў, гаражных кааператываў, а таксама тых зямельных участкаў, якія пустуюць. Трэба прыбраць несанкцыянаваныя звалкі смецця на землях ляснога фонду, на прыдарожных палосах, навесці парадак на прыпыначных пунктах і ў зонах адпачынку. Дзе патрэбна, будуць размешчаны новыя зялёныя насаджэнні.
Тэрыторыю горада і раёна адпаведныя службы прыбіраюць пастаянна, стараюцца падтрымліваць чысціню і парадак. А ў дзень суботніка гэта праца выльецца ў адзіны дружны парыў, калі кожны жыхар прыме ў добрай справе пасільны ўклад. Трэба, каб кожны двор, кожная сядзіба зазіхацелі чысцінёй, сталі ўзорам належнага гаспадарання.
Выйдзем дружна на раённы суботнік!
Тамара ПРАЛЬ-ГУЛЬ
