30 красавіка ў Мінску, на плошчы Дзяржаўнага флага Рэспублікі Беларусь, адкрылі абноўленую Рэспубліканскую дошку Гонару. На мерапрыемства былі запрошаны кіраўнікі рэспубліканскіх органаў дзяржаўнага кіравання, мясцовых выканаўчых і распарадчых органаў, арганізацый абласцей і г. Мінска, якія сталі пераможцамі спаборніцтва па выніках работы за 2018 год, прадстаўнікі працоўных калектываў.
Адбыўся ўрачысты мітынг, пры-вечаны адкрыццю абноўленай Рэспубліканскай дошкі Гонару.
Прыемна адзначыць, што ў лік пераможцаў у намінацыі “за дасягненне высокіх вынікаў у сферы сацыяльна-эканамічнага развіцця сярод абласцей і г. Мінска” ўвайшла Мінская вобласць — разам з г. Мінскам і Гродзенскай вобласцю.
У шэрагу пераможцаў у намінацыі “сярод арганізацый сельскай, лясной і рыбнай гаспадаркі” — СВК “Агракамбінат Сноў” як арганізацыя сельскагаспадарчай вытворчасці.
У лік пераможцаў у намінацыі “сярод арганізацый сферы паслуг”, у тым ліку сярод арганізацый адукацыі і культуры ўвайшоў Нацыянальны гісторыка-культурны музей-запаведнік “Нясвіж” як установа культуры.
Віншуем землякоў з перамогай!
Тамара ПРАЛЬ-ГУЛЬ.