Узнагароды атрымалі актывісты Нясвіжскай раённай арганізацыі ветэранаў

Ва ўрачыстай абстаноўцы адбылося ўручэнне ўзнагарод актывістам Нясвіжскай раённай арганізацыі ветэранаў. Граматай Мінскай абласной арганізацыі ветэранаў былі узнагароджаны старшыня першаснай арганізацыі ААТ “Гарадзейскі цуковы камбінат” Анатоль Целяховіч і член раённай арганізацыі Генадзь Каліўчын  — за шматгадовую актыўную працу ў ветэранскай арганізацыі, асабісты ўдзел у патрыятычным выхаванні моладзі, значны ўклад у захаванні памяці аб гераічным баявым і працоўным шляху жыхароў Міншчыны і ў сувязі з 75-годдзем вызвалення Беларусі ад нямецка-фашыскіх захопнікаў. Ганаровай граматай Нясвіжскай раённай арганізацыі ветэранаў была адзначана Яўгенія Петручэня — уладальніца першага месца ў абласным песенным фестывалі ветэранаў “60+”, якая прымае актыўны ўдзел у рабоце ветэранскай арганізацыі раёна. Узнагароды і грашовую прэмію ад спонсараў “віноўнікам” урачыстасці ўручыў старшыня Нясвіжскага раённага савета ветэранаў Генадзь Пашкоўскі, які падзякаваў за іх працу і пажадаў новых поспехаў, дабрабыту і здароўя.

Актывісты Нясвіжскай раённай арганізацыі ветэранаў Яўгенія Петручэня, Генадзь Каліўчын, старшыня раённага савета ветэранаў Генадзь Пашкоўскі і старшыня першаснай арганізацыі ААТ “Гарадзейскі цуковы камбінат” Анатоль Целяховіч

Наталля ЕРМАШЭНКА.

 

Добавить комментарий

Ваш e-mail не будет опубликован.

Этот сайт использует Akismet для борьбы со спамом. Узнайте как обрабатываются ваши данные комментариев.