“БЕЛАГРА-2020”

У рамках 30-й Міжнароднай спецыялізаванай выставы “Белагра-2020”, што праходзіла на працягу мінулага тыдня, традыцыйна быў арганізаваны рэспубліканскі конкурс на лепшую племянную карову малочнай пароды. Праводзіўся ён у чатырох намінацыях, згодна з лактацыямі кароў. У кожнай намінацыі ўдзельнічалі па шэсць рагуль — ад кожнай вобласці Беларусі. Прафесійнае журы ацэньвала экстэр’ер жывёлы, стан вымені, канечнасцяў, улічвала прадуктыўнасць, тлустасць малака… Сярод кароў другой лактацыі карова па мянушцы Сірэна з СВК “Агракамбінат Сноў” заняла першае месца.

Дарэчы, выстава “Белагра-2020” была даволі значнай. Удзел у ёй бралі 360 экспанентаў з Беларусі, Бельгіі, Велікабрытаніі, Венгрыі, Германіі, Ізраіля, Італіі, Кітая, Нідэрландаў, Польшчы, Расіі, Францыі, Швейцарыі, Швецыі.