Працягвае работу “гарачая тэлефонная лінія” Нясвіжскага раённага тэрытарыяльнага цэнтра сацыяльнага абслугоўвання насельніцтва

Працягвае работу “гарачая тэлефонная лінія” Нясвіжскага раённага тэрытарыяльнага цэнтра сацыяльнага абслугоўвання насельніцтва па аказанні дапамогі адзінокім пажылым  жыхарам рэгіёна і людзям з інваліднасцю па дастаўцы лекавых сродкаў і прадуктаў харчавання.

— Мы атрымалі больш двухсот зваротаў, усе просьбы выкананы, — паведаміла загадчык аддзялення пярвічнага прыёму, аналізу, інфарміравання і прагназавання Няс-віжскага РТЦСАН Надзея Сініцына. — Большая частка просьбаў аб дастаўцы лекаў. Тут да работы падключаюцца валанцёры паліклінікі УЗ “Нясвіжская ЦРБ”: па папярэдняй дамоўленасці яны дастаўляюць або перадаюць рэцэпты, выпісаныя згодна з медыцынскімі паказаннямі, у цэнтральную аптэку. Адсюль, у большасці сваёй,  жыццёва важныя медпрэпараты супрацоўнікі тэрытарыяльнага цэнтра, сярод якіх і валанцёры  раённай арганізацыі Беларускага Таварыства Чырвонага Крыжа, дастаўляюць на пэўны адрас. Наведваючы грамадзян пажылога ўзросту ў перыяд каранавіруснай інфекцыі, яны засцерагаюць жыхароў раёна, нагадваюць аб мерах прафілактыкі ў гэты перыяд, пакідаюць памяткі з рэкамендацыямі.

У сваю чаргу валанцёры прымаюць усе меры бяспекі — выконваюць масачны рэжым, карыстаюцца пальчаткамі, праводзяць апрацоўку  антысептычнымі сродкамі.

«Гарачая тэлефонная лінія» па аказанні дапамогі адзінокім пажылым  жыхарам рэгіёна і людзям з інваліднасцю па дастаўцы лекавых сродкаў і прадуктаў харчавання працуе ў рабочыя дні. Патэлефанаваць, калі вам патрэбна дапамога, можна на нумар — 2-12-27.

Іна ВАСІЛЕВІЧ.

 

Добавить комментарий

Ваш e-mail не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.