Дні Мінскай вобласці плануецца правесці ў 2021 годзе ў егіпецкім Паўднёвым Сінаі

Пасол Беларусі ў Егіпце Сяргей Цярэнцьеў сустрэўся з губернатарам Паўднёвага Сіная Халедам Фудой. На перагаворах была адзначана зацікаўленасць бакоў у развіцці міжрэгіянальных сувязей у эканоміцы, турызме, адукацыі, медыцыне, культуры і спорце. Пасол праінфармаваў аб стане беларуска-егіпецкага супрацоўніцтва, а таксама аб планах правесці ў пачатку 2021 года ў Егіпце двухбаковыя мерапрыемствы для актывізацыі турыстычнага абмену.

Губернатар пацвердзіў гатоўнасць прыняць ў 2021 годзе ў Шарм-эль-Шэйху беларускую дэлегацыю ў час Дзён Мінскай вобласці ў Паўднёвым Сінай. Бакі дамо-віліся ў бліжэйшыя месяцы зрабіць канкрэтныя крокі для актывізацыі супрацоўніцтва ў санаторным аздараўленні, перадачы беларускага вопыту і тэхналогій у сферы фізіятэрапіі і бальнеялагічнага лячэння, медыцыне, уключаючы супрацоўніцтва па лініі Міжнароднага шпіталя Шарм-эль-Шэйха і медыцынскай установы Мінскай вобласці.

Акрамя таго, абмяркоўваліся ўсталяванне партнёрскіх сувязяў па лініі вядучых ВНУ, развіццё гандлёвых кантактаў паміж рэгіёнамі, культурны абмен.

“НН”.

 

Добавить комментарий

Ваш e-mail не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.