Узорны дзіцячы танцавальны калектыў “Онікс” пад кіраўніцтвам Кацярыны Лабазы нядаўна атрымаў перамогу на абласным конкурсе “Агонь танца” ў Барысаве. Нашы юныя танцоры прадставілі танец “Трыумф” у намінацыі “чарлідзінг”. Канкурэнцыя была дастаткова высокай — за званне лепшага змагаліся калектывы з кожнага раёна Міншчыны.
У выніку “Онікс” заваяваў права ўдзельнічаць ад сталічнай вобласці ў фінале конкурсу “Агонь танца”, які адбудзецца ў рамках ХХХ юбілейнага фестывалю “Славянскі базар”.