Нясвіжскія навіны Па добрай традыцыі хлебаробы раёна падарылі часцінку дажыначнага свята жыхарам Нясвіжскага дома-інтэрната для састарэлых і інвалідаў і аддзялення забеспячэння кругласутачнага знаходжання для грамадзян пажылога ўзросту і інвалідаў Нясвіжскага РТЦСАН.
Духмяныя караваі з мукі новага ўраджаю ва ўстановы прывезлі намеснік старшыні Нясвіжскага райвыканкама Аляксандр Балцянкоў, начальнік упраўлення па працы, занятасці і сацыяльнай абароне райвыканкама Таццяна Толсцік і дырэктар Нясвіжскага раённага тэрытарыяльнага цэнтра сацыяльнага абслугоўвання насельніцтва Андрэй Петручэня.
У гэты дзень людзі пажылога ўзросту і інваліды не толькі паспрабавалі салодкія прысмакі, але і атрымалі асалоду ад выступленняў артыстаў раёна.
Неаніла ЛЮБАНЕЦ.
