Нясвіжскія навіны У Нясвіжы і на тэрыторыях сельскіх выканаўчых камітэтаў працягваецца прафілактычная работа ў жыллёвым фондзе.
Члены назіральных камісій сумесна з работнікамі Нясвіжскага РАНС і прадстаўнікамі іншых заці-каўленых службаў працягваюць нагадваць грама-дзянам аб правілах бяспекі.
Пры наведванні дома-ўладанняў выратавальнікі звяртаюць ўвагу дома-ўладальнікаў на наяўнасць і спраўнасць аўтаномных пажарных апавяшчальнікаў, веданне тэлефонаў экстраных службаў, недапушчэнне пакідання малалетніх дзяцей без нагляду. Таксама супрацоўнікі Нясвіжскага РАНС настойліва рэкамендуюць захоўваць пільнасць пры выкарыстанні электрычных і газавых прыбораў.
Па стану на 29 лістапада на тэрыторыі Нясвіжскага раёна адбылося 36 пажараў, на якіх загінулі 4 чалавекі. Нясвіжскі РАНС нагадвае: выкананне правілаў пажарнай бяспекі асабісты абавязак кожнага грамадзяніна. Беражыце сябе і сваіх блізкіх!
Дар’я ПІВАВАРСКАЯ.
