Прэзідэнт Беларусі Аляксандр Лукашэнка ў Палацы Незалежнасці правёў сустрэчу з кіруючым і аператыўным складам органаў дзярж-бяспекі.
Кіраўнік дзяржавы падрабязна выказаўся на тэму абстаноўкі ўнутры і вакол Беларусі. Размова ў тым ліку ішла аб процідзеянні спробам Захаду расхістаць сітуацыю ў краіне, аб процідзеянні санкцыйным мерам, дамоўленасцях па развіцці супрацоўніцтва з Расіяй. Закрануў Прэзідэнт і тэматыку ваеннай бяспекі, чарговы раз падкрэсліўшы, што беларускія войскі не плануюць прымаць удзел у расійскай спецаперацыі на тэрыторыі Украіны. Тым не менш ваенныя ва ўзаемадзеянні з расійскімі калегамі не губляюць пільнасці. Вось і гэтымі днямі ўдалося збіць запушчаную па тэрыторыі Беларусі ракету “Кропка-У”.
Прэзідэнт перакананы, што на гэты момант органы дзяржбяспекі прымаюць усе неабходныя меры па абароне нацыянальных інтарэсаў краіны. І дзякуючы зладжанай рабоце сілавога блока паспяхова вырашаюцца задачы ў сферах разведкі, контрразведкі, абароны канстытуцыйнага ладу і процідзеяння тэрарызму.
Па інфармацыі БелТА.