Меню
Курс $  3.27 | €  3.53 | ₽100  3.52 |
Погода 9 °C

Лукашэнка растлумачыў ролю Беларусі ў канфлікце Расіі і Украіны

Нясвіжскія навіны 2 года назад 0 0

Беларусь не збіраецца ўключацца ў ваенныя дзеянні ва Украіне і зробіць усё для таго, каб яны спыніліся. Аб гэтым Прэзідэнт Беларусі Аляксандр Лукашэнка заявіў у інтэрв’ю японскаму тэлеканалу TBS.
Аляксандр Лукашэнка чарговы раз нагадаў, што Беларусь і Расію звязваюць цесныя адносіны ў рамках Саюзнай дзяржавы: “Што датычыцца нашых адносін і падтрымкі Расіі ў любой сітуацыі. Мы саюзнікі. У нас дагаворы заключаны адпаведныя. Самыя цесныя ў нас адносіны менавіта ў ваенна-палітычнай сферы. І калі Расію і падтрымлівае хто-небудзь, то гэта толькі Беларусь. Усе астатнія або нейтральную пазіцыю займаюць, або ж ваююць на баку Украіны”.



Развіваючы сваю думку, Прэзідэнт дадаў, што не варта перажываць наконт таго, што беларусы з расіянамі па волі лёсу апынуліся ў адной лодцы. “І мы ніколі не дапусцім здрады ў адносінах да рускага чалавека. Ніколі”, — падкрэсліў ён.
Што датычыцца верагоднасці ўдзелу Беларусі ў расійскай аперацыі ва Украіне, то Прэзідэнт паўтарыў свой тэзіс: “Мы не збіраемся ўключацца ў гэту вайну. Я аб гэтым не раз заяўляў. І мы зробім усё для таго, каб гэта вайна спынілася”.
“Нас ніхто не просіць прымаць непасрэдны ўдзел у аперацыі расійскіх войскаў. Я нядаўна аб гэтым гаварыў. Мы нічога не зможам дабавіць у гэтай аперацыі Расіі. У іх хапае жывой сілы, у іх хапае тэхнікі (яна такая, як у нас, і нават больш сучасная). Таму Расія з гэтай праблемай справіцца і без Беларусі, і без Японіі, і без іншых краін. Расія вырашыць гэту праблему. Але пытанне толькі ў тым, што людзі будуць пакутаваць. Таму гэта трэба спыніць. Гэта безразважнасць — тое, што адбываецца паміж брацкімі народамі. Расія гэта разумее, Украіна не хоча разумець”, — заявіў кіраўнік дзяржавы.
Ён падкрэсліў, што цяпер усім важна сканцэнтраваць намаганні на спыненні канфлікту, а не выказвацца на карысць аднаго з бакоў: “Асуджаць Расію, Украіну… Гэта калі больш няма чаго і няма каму ў Японіі або на Захадзе рабіць — калі ласка, займайцеся гэтым асуджэннем. Мы павінны займацца тым, каб вайна спынілася, а мы пачалі выбудоў-ваць самыя цёплыя і дружалюбныя адносіны. Любая вайна заканчваецца мірам, і людзі з часам забываюць, нават Хірасіму і Нагасакі, хоць забыць гэта вельмі цяжка”.
БелТА.
Фота прэс-службы
Прэзідэнта Беларусі.

Leave a Reply

Leave a Reply

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.

error: Копирование защищено!!!