Нясвіжскія навіны Напярэдадні Дня Перамогі на Нясвіжчыне традыцыйна віншавалі ветэранаў і пацярпелых у Вялікай Айчыннай вайне. Старшыня Нясвіжскага райвыканкама Аляксандр Ломскі і намеснік старшыні Аляксандр Балцянкоў уручылі паважаным ветэранам пісьмы-трохкутнікі ад Прэзідэнта Беларусі Аляксандра Лукашэнкі і віншавальныя паштоўкі ад райвыканкама. 
У традыцыйным мерапрыемстве прынялі ўдзел і начальнік упраўлення па працы, занятасці і сацыяльнай абароне райвыканкама Таццяна Толсцік, дырэктар РТЦСАН Андрэй Петручэня, начальнік групы прызыву ваеннага камісарыята Нясвіжскага і Копыльскага раёнаў Вольга Кныш, першы сакратар РК ГА “БРСМ” Кацярына Іюльская, прадстаўнікі мясцовай улады, грамадскіх аб’яднанняў, працоўных калектываў, а таксама таленавітыя артысты і маладое пакаленне.
Свае падарункі паважаным ветэранам перадалі СВК “Агракамбінат Сноў”, ААТ “Гарадзейскі цукровы камбінат”, ТАА “Нясвіжскі завод дзіцячага харчавання”, Нясвіжскі хлебазавод ААТ “Барысаўхлебпрам”.
Сведкі Вялікай Айчыннай з удзячнасцю прымалі віншаванні і падарункі ад гасцей і ў сваю чаргу жадалі ўсім, хто завітаў да іх, моцнага здароўя і мірнага неба. Бо ветэраны і пацярпелыя ў той жудаснай вайне як ніхто іншы ведае іх кошт.
