Нацыянальны фестываль беларускай песні і паэзіі “Маладзечна-2021” у 21-ы раз сардэчна сустрэў сотні гасцей. Першы дзень запомніўся ўсім удзельнікам маштабнага творчага форуму цікавымі выставамі, якія пераносяць гасцей у даўнія часы, тэатральнымі паказамі, канцэртамі, конкурсамі і, вядома, урачыстым адкрыццём фестывалю, які завяршыўся прыгожым і яркім салютам. «Маладзечна-2022» здзіўляў гасцей не толькі сузор’ем талентаў, але і незвычайнымі лакацыямі. Так, Нясвіжчыну ў першы дзень эфектна прадставілі Радзівілы — артысты тэатра ім. Уршулі Радзівіл, мімы гарадскога маладзёжнага цэнтра і лепшыя майстры з усяго раёна. Адзначыў высокі ўзровень падрыхтоўкі нясвіжан і міністр культуры Беларусі Анатоль Маркевіч пры наведванні экспазіцыі Нясвіжскага райна.