Нясвіжскія навіны Паважаныя чытачы, мы працягваем новы конкурс,
які прысвечаны нашаму цудоўнаму гораду і яго
800-гадоваму юбілею, — “Пазнай Нясвіжчыну”.
І тур
На фотаздымку быў адлюстраваны фрагмент будынка кляштара бенедыктынак. Правільны адказ даслаў Аляксей Макась, які атрымлівае 1 бал.
Кляштар бенедыктынак у Нясвіжы пабудаваны ў 1591 годзе на сродкі Яўхіміі Радзівіл — жонкі Мікалая Крыштафа Радзівіла Сіроткі. Кляштар нароўні з іншымі значнымі будынкамі горада быў часткай яго абарончай сістэмы. Пры ім быў пабудаваны касцёл. Аўтарам праекта быў вядомы італьянскі архітэктар Джавані Марыя Бернардоні.
Кляштар і касцёл уяўляюць сабой адзіны архітэктурны комплекс, у якім удала спалучаюцца элементы стыляў барока і рэнесансу. Першапачаткова будынак злучаўся з горадам праз мост і быў акружаны каменнай сцяной. Сёння ад гэтай сцяны засталіся толькі асобныя ўчасткі. Будынак мае П-падобную форму. Касцёл Святой Яўхіміі гарманічна ўбудаваны ў кляштар і з’яўляецца яго арганічнай часткай.
Уваход упрыгожвае надваротная вежа, два верхніх яруса якой перспектыўна скарачаюцца па вышыні. Ад гэтага масіўная званіца здаецца «лёгкай» і высокай. Брама-званіца была ўзведзена ў стылі барока ў 1763 годзе.
Пасля паўстання 1863-1864 гадоў па загадзе расійскага імператара Аляксандра ІІ многія рэлігійныя ўстановы былі расфармiраваныя. Гэтая доля спасцігла і кляштар бенедыктынак у Нясвіжы.
Але ў 1920 годзе бенедыктынкі вяртаюцца ў Нясвіж і праз некалькі гадоў іх ужо налічваецца каля пяцідзесяці. Канчаткова кляштар быў зачынены ў 1939 го- дзе. А падчас Вялікай Айчыннай вайны згарэў касцёл.
У 1988 годзе ў падвале былога касцёла быў знойдзены вялікі медны чан. У ім знаходзіліся парцалянавыя, пасярэбраныя і шкляныя вырабы — усяго 141 прадмет сталовага посуду. Сёння гэты скарб з’яўляецца часткай экспазіцыі гісторыка-краязнаўчага музея ў Нясвіжы, у будынку кляштара размяшчаецца Нясвіжскі дзяржаўны каледж імя Якуба Коласа.
ІІ тур
