Меню
Курс $  3.27 | €  3.53 | ₽100  3.52 |
Погода 11 °C

Адкрыта яшчэ адна пляцоўка для стрыт варкаўта!

Нясвіжскія навіны 6 лет назад 0 0

У сераду, 12 верасня, на стадыёне ДУА «Сярэдняя школа № 3 г. Нясвіжа» ва ўрачыстай абстаноўцы была адкрыта пляцоўка стрыт варкаўта (вулічнай гімнастыкі).

Без перабольшання трэба ад-значыць, што адбылося сапраўднае свята спорту і здароўя. У гэтым былі перакананы яго ўдзельнікі — школьнікі, педагогі і госці мерапрыемства.

Перад прысутнымі выступіў старшыня Нясвіжскага раённага выканаўчага камітэта Генадзь Салавей. Ён сказаў, што ў жыхароў Нясвіжа і, у першую чаргу, у вучняў сярэдняй школы № 3 з’я-вілася яшчэ адна ўнікальная магчымасць рухацца да здаровага ладу жыцця. У горадзе і раёне створаны ўсе неабходныя ўмовы для заняткаў фізічнай культурай і спортам: працуюць басейны і трэнажорныя залы, устаноўлены дзіцячыя гульнявыя пляцоўкі і пабудаваны спартыўныя комплексы, якія з задавальненнем наведваюць як дзятва, так і падлеткі. Бацькі з дзецьмі аддаюць перавагу правядзенню вольнага часу менавіта ў гэтых спецыяльна абсталяваных месцах.



Сімвалічную чырвоную стужку пераразаюць старшыня
Нясвіжскага раённага выканаўчага камітэта Генадзь Салавей,
дырэктар Клецкага механічнага завода Арцём Зубель і дырэктар сярэдняй школы № 3 г. Нясвіжа Анатоль Мяленька

Паказальнае выступленне па стрыт варкаўту спартсменаў г. Капыля

Наступнае слова прадаставілі Арцёму Зубелю — дырэктару Клецкага механічнага завода, дзе было выраблена абсталяванне для пляцоўкі. Ён выказаў упэўненасць, што новая пляцоўка яшчэ больш прыцягне ўвагу школьнікаў да заняткаў актыўнай спартыўнай дзейнасцю, а магчымасць самасцвярдзіцца ў асяроддзі аднагодкаў стане дзейсным рычагом для заняткаў вулічнай гімнастыкай.

Далей, пасля перарэзвання чырвонай стужкі, увазе прысутных было прадстаўлена паказальнае выступленне майстроў у галіне вулічнай гімнастыкі — юнакоў з Капыля. А завяршылася мерапрыемства музычным падарункам, які ўсім прысутным падаравалі навучэнцы цэнтра дзіцячай творчасці Нясвіжскага раёна.

На новай пляцоўцы для заняткаў вулічнай гімнастыкай

Музычнае віншаванне ад навучэнцаў цэнтра дзіцячай творчасці Нясвіжскага раёна

Стрыт варкаўт

Прытрымліваючыся сучасных спартыўных напрамкаў і звяртаючы ўвагу на захапленні дзяцей і моладзі нашага горада, па ініцыятыве кіраўніцтва раёна пабудавана спецыяльная пляцоўка, з усімі неабходнымі спартыўнымі снарадамі і элементамі, для добрай «вулічнай трэніроўкі».

Гэты від трэніровак называюць па-рознаму: вулічны фітнес, вулічныя трэніроўкі або проста англійскім эк-вівалентам слова «трэніроўка» — «workout».

Стрыт варкаўтам могуць займацца ўсе, незалежна ад полу і ўзросту. Для заняткаў не патрабуецца ні дарагога абсталявання, ні спецыяльнай экіпіроўкі — досыць спартпляцоўкі.

Заняткі патрабуюць ад хлопцаў і дзяўчат не толькі фізічных намаганняў, але і выдатных валявых якасцей. Таму рэгулярныя трэніроўкі дазволяць не толькі ўмацаваць цягавітасць, спартыўную дысцыпліну, але і лідарскія якасці.

Першая пляцоўка для стрыт варкаўта ў Нясвіжы два гады таму была адкрыта каля гімназіі.

 

Дзмітрый ЯШЧАНКА.

Leave a Reply

Leave a Reply

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.

error: Копирование защищено!!!