Нясвіжскія навіны Супрацоўнікі гарадскога маладзёжнага цэнтра разам са спецыялістамі Нясвіжскага раённага сацыяльна-педагагічнага цэнтра арганізавалі адкрыты форум для сем’яў “Як не трапіць у бяду”.
Сям’я — гэта самае галоўнае ў жыцці кожнага чалавека. Гледзячы на прыклад старэйшых, дзеці сталеюць, ствараюць свае сем’і. Але дарослым трэба прыкладаць намаганні, каб дзеці на працягу ўсяго жыцця паважалі сваіх бацькоў і былі ўдзячны за кожную параду, за кожную хвілінку, якую правялі разам з імі. Вялікую ролю ў гэтым адыгрываюць моманты, якія пасля становяцця шчаслівымі ўспамінамі. Менавіта для таго, каб такіх момантаў было больш, і быў праве-дзены форум.
У фае маладзёжнага цэнтра ўдзельнікаў сустракалі казачныя персанажы, якія запрашалі іх цікава правесці час і ўспомніць простыя гульні для ўсёй сям’і. Маленькія госці, саромеючыся, падыходзілі да аніматараў, і тыя з ахвотай згаджаліся на памятны фотаздымак.
Падчас мерапрыемства дзеці і іх бацькі прынялі ўдзел у інтэлектуальна-забаўляльнай праграме, дзе, падзяліўшыся на каманды, адказвалі на пытанні вядучага і правяралі свае веды казак і мультфільмаў.
На самае галоўнае пытанне — як не апынуцца ў бядзе? — кожны даў свой адказ у канцы форума. Пасля чаго ўсім былі ўручаны падарункі ад прыхаджан царк-вы святога велікамучаніка Георгія Перамаганосца г. Нясвіжа.
Неаніла ЛЮБАНЕЦ.
