Свякрыві і нявесткі — у Слаўкаве паказалі, якімі могуць быць ix зносіны

У Слаўкаўскім сельскім клубе адбылося яскравае і кранальнае мерапрыемства — музычна-забаўляльная шоу-праграма “Мая любімая свякроў”. Зыходзячы з фармату, можно зразумець, чаму гэта праграма была яскравай, але кранальнвй яна сталася менавіта праз стауленне ўдзельніц адна да адной. Але пра ўсё па парадку.

Гэта мерапрымства стала справаздачным для работнікаў мясцовага сельскага клуба, таму нерваваліся вядучыя моцна, але даведацца пра гэта можна было толькі напрыканцы свята, асабіста размаўляючы з яго арганізатарамі .

Падчас праграмы удзельнікі шоу і яго гледачы перажылі шмат прыемных хвілін і хвалюючых момантаў. Як пажартавалі вядучыя, галоўныя гераіні свята — гэта тыя, каму цяжэй за ўсё прыходзіцца пасля вяселля. Бо адна любіць мужа і клапоціцца аб ім, а другая стараецца аберагчы свайго сыночка. Таму шчасце ў той сям’і, дзе зладзяць нявестка i свякроў. Каб праверыць так гэта, ці не, пра свае зўаемаадносіны расказалі тры цудоўныя свякрыві і нявесткі — свякроў Галіна Вярыга і яе нявестка Таццяна Клачко, свякроў Марыя Мысліцкая і яе нявестка Валерыя, свякроў Святлана Антончык і яе нявестка Валерыя.

А сур’ёзнае і непадкупнае журы, у склад якога ўвайшлі намеснік старшынi праўлення СВК “Агракамбінат Сноў”, кіраўнік ААТ “Нясвіжскі райаграсэрвіс” Яўген Пекарчык, дырэктар раённага цэнтра культуры Ганна Віннічак, актыўны ўдзельнік усіх мерапрыемстваў Слаўкаўскага клуба Марына Енчык і галоўны спецыяліст па ідэалагічнай рабоце ААТ “Нясвіжскі райаграсэрвіс” Жанна Ратомская, ацэньвалa падрыхтоўку і адказы ўдзельніц.

Усяго конкурсаў было шэсць. Кожны з іх ацэньваўся па 10-бальнай сістэме. Да адных была магчымасць падрыхтавацца загаддзя, а іншыя патрабавалі добрай рэакцыі і эрудыцыі.

Выконваючы выпрабаванні, удельніцы шоу-праграмы на сваім прыкладзе даказалі, што свякроў з нявесткаю могуць быць лепшымі сяброўкамі і паважаць адна адну.

Падчас святочнай праграмы свае мілагучныя пaдарункі прысутным дарылі вакальная група “Славіца”, Вікторыя Сачук і Аксана Пяткевіч, Аліна Батурыцкая, Антон Енчык і Ганна Савіцкая.

Больш падрабязна aб усiм гэтым — на старонках “НН”.